ملحقتش تنزل من القطار..
وكان أول مولود لها في القطار..
النهارده الفجر في قطار الصعيد اللي راجع من القاهرة، كانت فيه سيدة حامل في الشهر التاسع بتصرخ من الألم. القدر جمع حواليها فريق أطباء بالصدفة: الدكتور إسلام أبو شامة، طبيب النسا، وزوجته طبيبة الأطفال، والدكتور عصام استشاري القلب، وكمان الأستاذ أيمن المسعف من مرفق الإسعاف.
الدكتور إسلام قرر إنها ولادة طارئة، والوقت مش هيكفي للوصول للمستشفى. طلب الأطباء من السائق يقف القطار عند أول محطة ممكنة، لكن الوضع ما استناش، فقرر الدكتور إسلام توليد السيدة على متن القطار.
ورغم صعوبة الولادة، لإنها كانت أول مرة للشابة، ربنا لطف بيها وقدر لها السلامة، وولدت بنت جميلة أسموها “شمس” قبل ما يوصل القطار لمحطة أسيوط.
اللي حصل ده مش مجرد صدفة. ربنا بيدبر لعباده بحكمة ولطف. سخر لها مستشفى كاملة في القطار: طبيب نسا يولدها، طبيبة أطفال تستقبل البنت، طبيب قلب ومسعف للطوارئ.
الحمد لله على لطف ربنا وكرمه اللي أنقذ السيدة وطفلتها. وشكر كبير لأبطالنا الأطباء اللي كانوا في المكان الصح والوقت الصح. وخلوا بالكم، السفر في نهاية الحمل خطر جدًا، والأطباء ما بينصحوش بيه.مصر#تحيا مصر
